Tingog sa Kinaiyahan

Kung makastorya lang ang langgam,

unsa kahay iyang iingon sa katawhan?

Makaako ba sila ug rally diha sa kalangitan?

ug makapadayag nga unta, undangan na ang pagpanghawan sa kalasangan?

Ug unsa pod kahay isaysay sa mga isda?

Nga nasayod man kita nga sa tubig, di ra ba makita ang luha.

Ay, di man tuod sila kabalo muhilak ba...

isda ra baya sila.

Pero kung mahiluan na gani na sila...

Paniguradong ang resulta, makahilak pod ka.

Ang hangin, siguradong naa sad siyay sugilanon,

malangit, mayuta o sa katubigan, iya bayang gaagi.on

igo ra ba kaha ang kakusog sa iyang taghoy aron madunggan nato siya?

o kailangan pa niyang maglagitom aron makaingon ta nga "sakto na!"

Asa ba nagkulang ang kinaiyahan?
Nganong iyang gugma, giabusaran?
Pagkaon, kalinaw ug kalandong, iya naman untang gihalad,
apan nganong kinahanglan niya mag-antos sa way katapusan nga samad?