KAPE: A Bisaya Spoken Poetry

Ganahan ko ug kape...
Siguro nakadungog na ka ani...
Pero ganahan jud ko ug kape...

kanang maKAPEling siya...
or sa kinabuhi, maKAPEkas siya...
haha... bitaw... atik ra...
pero ganahan jud ko ug Kape
kanang sakto lang sa timpla
dili tantong isog
to the point di na ka kabarog...
pero kanang sakto lang jud
kanang ig sigop nimu,
 kaingon ka'g "very good".



Ganahan ko ug Kape
ambot ug ngano, why, bakit?
Nganong ganahan kaayo ta ug mga butang nga pait?
Bahalag taman sinugdanan ra ang kainit?
Nganong ganahan man jud ug pait?

Basin no ug agi sa kamatuoran nga sa panahon karon...
mas makapalpitate pa ang kape kaysa kiligon.

bitaw, Ganahan ko ug kape
katong Original ang flavor...
Kanang tipong stick to one...
dili three in one.

Ganahan ko ug Kape
Labi na nang Decaf?
Kana ganing DECAFasakitan,
DECAFasagdahan,
sa langaw, DECAFalatayan
ug labaw sa tanan...
DECAFulihan.

Ganahan ko ug kape...
kanang original... puro ug way daghan sagol.
kanang sure ka nga isa ra, di ra ka magool.

Pero naa lang joy uban, ambot di masabtan.
Ganahan ug 3 in 1 pero mureklamo kay toa, natam-isan

naay uban ganahan ug cafe latte
di kadecide unsay gusto, gatas ba o kape?
di ba? always confused so gimixed na lang nila... di makadecide who it is going to be?
s Alma, c Lorna o c Fe...

naay say uban nga grabe ka pauso
seg order ug capuccino
ambot ug ngano, naadik sa gabuwa2 nga baso...
saon taman, kung ang weakness sa kalakihan ilang mata,
kaming mga babaye kay nabuta...
usahay di na mabantayan ang hitsura
kay ang dunggan, nabitik sa gabuwa2 nga baba... nga puro pagpangatik ra.

naa sad diay nang mga ganahan ug Frappe...
ayaw makatikim nang sobrang pait kaya ang daming dinagdag na pampasarap.
Whip cream, chocolates, vanilla, jello...
wow... multi-tasking sad ilang taste buds no?

ay naa sad karon kanang bag.ong nauso...
kung ganahan ka magmove on from bitter to sweet
imagine Nescafe Classic to Sugar real quick
pangitag Creamy white nga ana pa c Daniel Padilla, "tinanggal namin ang pait".

ug aduna poy uban... wa jud makontento...
unsatisfied sa Cape Barako...
maong hala toa, seg pangitag Cape Americano,
Cape Arabico, Jamaican, Mexican
"Tangkilikin ang sariling ating", hain naman.

ang makagool, kanang mga ganahan ug Iced coffee...
murag naanad na sa bugnaw nga kinabuhi...
maong anaa, giapply pati sa kape
makagool, gipabugnaw ang pait na gani.

pero bitaw joke ra to tanan...
ayaw seryosoha, basin kamo masakitan
kini sinuwat pampakatawa lamang
ug kung kamo naigo, pasensya na lang...

ang point lang man jud ani...

Ganahan ko ug KAPE
hilabi na kung kini libre....