Kuya Kim Atienza vs. Mama

Tadadaddaaa-tadada....Sa ulo nang mga nagbabagang balita...

Kabisado na ni mama ang oras kapag palabas na ang TV Patrol World. Sisigaw siya mula pa sa tindahan niya [ang kanyang fortress of solitude] na mga sampung metro ang layo mula sa bahay namin. "Tawagin niyo ako kapag magbabalita na nang panahon si Kuya Kim," isisigaw niya. Obsess si mama sa weather report. Kailangan alam niya kung may bagyo o wala. Maging malapit man sa amin o hindi. Kasi, nasa malalayong lugar ang mga kapatid ko. Sinisiguro niya na ligtas sa kalamidad ang mga lugar na tinitirhan nang mga kapatid ko. Minsan pinagti-tripan ko siya at sinasabi ko, "Ma, 'yong crush mo, magrereport na."

Anyway, hindi ko rin naman talaga maintindihan ang mga sinasabing ulat-panahon ni Kuya Kim dahil madalas hindi naman tumutugma sa panahon na sinasabi niya. Minsan, sinasabi niyang, magiging maulap sa lugar na ito sa Luzon, uulan nang bahagya sa mga bahaging ito nang Visayas at magiging maliwanag ang maaliwalas ang panahon sa Mindanao pero mabibilang lang nang kamay ko ang mga araw na tumugma ang inuulat niya. Ilang beses na niyang iniuulat na maaraw sa lugar namin pero iyong araw na iniulat niya iyon? Iyon din ang mismong araw na umulan at kumidlat nang malakas sa amin....[Unbelievable pero totoo..]

MAS MANINIWALA PA AKO KAY MAMA.

Fan nga ni Kuya Kim si Mama pero sa sariling opinion ko, mas magaling pang magbasa nang panahon si mama. Titingala lang siya sa langit, sa hilaga, sa timog, sa kanluran at silangan pagkatapos ay sasabihin na niya na, "uulan sa ano, ang init sa doon sa blah blah blah..." High school graduate nga lang siguro si mama pero see, ang galing niya dahil kinabukasan, maririnig na namin sa balita sa radyo na inulan nga doon sa mga lugar na binanggit niya.

Minsan, amaze na amaze ako sa kanya, tinanong ko siya kung paano niya nasasabi iyon. Nilecturan niya ako mula sa lesson about directions[east,west,south,north] hanggang sa kulay nang ulap hanggang sa positive and negative polls, electricity and magnetism ng kidlat. [PALAKPAKAN] Ang galing dahil lahat nang sinabi napag-aralan ko na sa eskwela at mas kapanipaniwala pa.

Hehe...no offense kay Kuya Kim dahil fan pa rin ako nang Matanglawin. Pero sa labanang ulat panahon, mama vs. Kuya Kim? Boto ako kay mama, feeling ko may sarili kaming PAG-ASA sa bahay.